Նորություններ

Ս/թ. օգոստոսի 3-ին ԱՄՆ դեսպան Մարի Լ. Յովանովիչը և ՀՀ փոխվարչապետ, ՀՀ Տարածքային Կառավարման նախարար Արմեն Գևորգյանը Արմավիրի մարզպետ Աշոտ Ղահրամյանի ուղեկցությամբ այցելեցին "Ֆարմ Կրեդիտ Արմենիա" ՈՒնիվերսալ Վարկային Կազմակերպության անդամ-փայատերեր Արամայիս Մեկքոնյանի և Վահրամ Հարությունյանի տնտեսությունները: Այցին ներկա էին նաև "Ֆարմ Կրեդիտ Արմենիա" ՈՒՎԿ ԱԿ գլխավոր գործադիր տնօրեն Արմեն Գաբրիելյանը, ԱՄՆ գյուղդեպարտամենտի գյուղատնտեսության մասնագետ Լևոն Գյուլխասյանը, “Հազարամյակի Մարտահրավեր” Կորպորացիայի տնօրեն Ալեքս Ռասինը, "Հազարամյակի մարտահրավեր հիմնադրամ-Հայաստան" ՊՈԱԿ-ի գլխավոր  գործադիր տնօրեն Արա Հովսեփյանը:
 
"Ֆարմ Կրեդիտ Արմենիա" ՈՒՎԿ ԱԿ-ը հանդիսանում է «Հազարամյակի մարտահարվեր հիմնադրամ-Հայաստան» "Ջրից դեպի շուկա» ծրագրի շրջանակներում վարկ տրամադրող կազմակերպություններից մեկը, որն իրականացնում է ֆերմերների աջակցության ծրագրեր:

Փոխվարչապետի և տիկին դեսպանուհու այցելության առաջին տեղամասը  Հայթաղ համայնքն էր`ՖԿԱ անդամ-փայատեր Արամայիս Մեկքոնյանի 1067 քմ մակերեսով ապակեպատ ջերմոցը`կառուցված ՖԿԱ-ի ֆինանսական աջակցությամբ: ՖԿԱ-ի կողմից տրամադրված վարկի միջոցով պրն Մելքոնյանը մտադիր է ջերմատանն անցկացնել կաթիլային և ոռոգման համակարգեր:

Այցելության հաջորդ հանգրվանը Առատաշեն համայնքի բնակիչ, ՖԿԱ անդամ-փայատեր և Խորհրդի անդամ Վահրամ Հարությունյանի 32 հա (որից 8 հա ընդլայնվել է ՖԿԱ տրամադրված վարկի շնորհիվ)խաղողի և 8 հա պտղատու այգիներն էին: ՖԿԱ ֆինանսավորմամբ պրն Հարությունյանը կառուցում է 300 քմ մակերեսով անասնագոմ, որտեղ բտելու է խոշոր եղջերավոր անասուններ:

Առատաշեն համայնքի այցելությանը ներկա էին նաև ֆերմերներ Խաչիկ Գասպարյանը և Գայանե Բաբայանը, ովքեր ձեռք են բերել “Ֆարմ Կրեդիտ Արմենիա”-ի կողմից լիզինգով տրամադրված տրակտորներ:

Հարկ է նշել, որ “Ֆարմ Կրեդիտ Արմենիա” ՈՒՎԿ ԱԿ 270 անդամ-փայատերերից 78-ը Արմավիր մարզի բնակիչներ են: Այդ մարզում ՖԿԱ-ն տրամադրել է 85 վարկ` 326.570.000 ՀՀ դրամ արժողությամբ, որից 63-ը` ՀՄՀ-Հայաստան “Ջրից դեպի շուկա” ծրագրի շրջանակներում: Կազմակերպության ֆինանսական վարձակալությամբ տրամադրված 33 տրակտորներից 12-ը հատկացվել է Արմավիրի մարզին: “Ֆարմ Կրեդիտ Արմենիա”-ի կողմից տրամադրված վարկերի միջոցով մարզում կառուցվել են ջերմոցներ, հիմնվել այգիներ, չորանոցներ, սառնարաններ, ձեռք է բերվել գյուղտեխնիկա:

“Ֆարմ Կրեդիտ Արմենիա”-ի գլխավոր գործադիր տնօրենը և Պլանավորման և Վերլուծության ստորաբաժանման ղեկավարը մասնակցել են մայիսի 26-28 Ղազախստանի մայրաքաղաք Աստանայում կայացած Միջազգային Միկրոֆինանսավորման ամենամյա համաժողովին` "Ետճգնաժամային միկրոֆինանսավորում . որն է առաջընթացի վստահելի ուղին" խորագրով: Համաժողովը բաղկացած էր մի շարք սեմինարներից և ներդրողների տոնավաճառից:

Կոնֆերանսին մասնակցել են 50 երկրներից ժամանած շուրջ 400 պատվիրակներ, որոնց թվում էին միկրոֆինանսավորող կազմակերպությունների ներկայացուցիչներ, ներդրողներ, դոնոր կազմակերպություններ, բարձրաստիճան քաղաքական գործիչներ, մասնագետներ և այլոք: ՖԿԱ ներկայացուցիչները մասնակցեցին միկրոֆինանսավորման ոլորտում ռիսկային կառավարմանը նվիրված սեմինարին, ինչպես նաև որոշ լիագումար նիստերին: 

Ներդրողների հետ հանդիպումը հիանալի հնարավորություն ընձեռեց ՖԿԱ ներկայացուցիչներին` հանդիպելու հավանական ներդրողների հետ, որոնցից շատերի համար տպավորիչ էր Ֆարմ Կրեդիտ Արմենիա ՈՒՎԿ ԱԿ դինամիկ զարգացման փաստը և որոնք հետաքրքրություն ցուցաբերեցին ՖԿԱ հետ գործնական հարաբերությունների հաստատմանը: Բանակցությունների արդյունքում հետագա համագործակցության մի քանի նախնական պայմանավորվածություններ ձեռք բերվեցին: 

2010 թվականի մայիսի 4-ին Ֆինանսաբանկային Քոլեջ հիմնադրամում տեղի ունեցավ Ֆարմ Կրեդիտ Արմենիա ՈւՎԿ ԱԿ վարկային մասնագետների վերապատրաստման երկամսյա դասընթացների ավարտական վկայականների հանձնման արարողությունը:
       2009 թվականի նոյեմբերից մինչև 2010 թվականի փետրվար ամիսները Ֆինանսաբանկային քոլեջ հիմնադրամում “Ֆարմ Կրեդիտ Արմենիա” ՈՒՎԿ ԱԿ տասնչորս վարկային մասնագետների համար կազմակերպվեց վերապատրաստման երկամսյա դասընթաց, որը նպատակաուղղված էր վարկային մասնագետների գիտելիքների զարգացմանն ու ընդլայնմանը: Դասընթացը վերաբերվում էր ՀՀ Վարկավորման իրավական կարգավորմանը, վարկավորման փուլերին, վարկունակության գնահատման, ՀՀ բանկերի և վարկային կազմակերպությունների տնտեսական հիմնական նորմատիվներին, վարկերի դասակարգման ու պահուստավորման կարգին և այլն:
       Վարկային մասնագետները ստացան և տեսական, և գործնական գիտելիքներ և ցուցաբերեցին լավագույն արդյունքները ավարտական թեսթի ժամանակ:
        Ինչպես իր շնորհավորական խոսքում նշեց Ֆինանսաբանկային քոլեջ հիմնադրամի տնօրեն Արմեն Սարոյանը` “Ֆինանսաբանկային քոլեջ Հիմնադրամի և “Ֆարմ Կրեդիտ Արմենիա” ՈւՎԿ ԱԿ-ի միջև համագործակցությունը սկսվել է դեռ 2007 թվականից, երբ ՖԿԱ-ն դեռ իր առաջին քայլերն էր կատարում ՀՀ ֆինանսական համակարգում, և համոզված ենք, որ այդ համագործակցությունը կշարունակվի դեռ շատ տարիներ”:
        ՖԿԱ Գլխավոր գործադիր տնօրեն Ա. Գաբրիելյանն իր շնորհակալական խոսքն ուղղեց Ֆինանսաբանկային Քոլեջ հիմնադրամի աշխատակազմին, դասախոսական կազմին` ի դեմս տնօրեն Արմեն Սարոյանին, և կարևորեց քոլեջի դերը ՀՀ ֆինանսական համակարգի մասնագետների վերապատրաստման և կրթության զարգացման գործընթացում: Ա. Գաբրիելյանը նաև հույս հայտնեց, որ մոտ ապագայում Ֆինանսաբանկային Քոլեջ հիմնադրամի ուսումնական ծրագրերում նաև իր ուրույն տեղը կգտնի Կոոպերատիվների գաղափարի տարածումը և ուսուցանումը քոլեջի ուսանողներին, որին էլ ՖԿԱ-ն պատրաստակամ է իր աջակցությունը ցուցաբերել:

2010թ. ապրիլի 22-ին Արարատի մարզի Դիմիտրով համայնքում`ՖԿԱ անդամ-փայատեր Հենրիկ Եղիազարյանին պատկանող հողատարծքում, տեղի ունեցավ “Ֆարմ Կրեդիտ Արմենիա” ՈՒՎԿ ԱԿ կողմից կազմակերպված  դաշտային յուրահատուկ մի ցուցահանդես, որտեղ ներկայացված էին չինական YTO մակնիշի տրակտորներ, այլ գյուղատնտեսական տեխնիկա և սարքավորումներ:  ՖԿԱ-ն առաջիններից է, որը Հայաստանում իրականացնում է գյուղատնտեսական մեքենաների լիզինգ, այսպիսով հայ ֆերմերների համար մատչելի դարձնելով ժամանակակից տրակտորների և մեքենաների ձեռքբերումը:
Ցուցահանդեսի ընթացքում թվով 7 ֆերմերներ, այդ թվում նաև  մեկ կին ներկայացուցիչ,  հնարավորություն ստացան լիզինգային պայմանագրով ձեռք բերելու  50 տրակտորներից 7-ը:
     Միջոցառումը բացեց ՖԿ գլխավոր գործադիր տնօրեն պրն. Արմեն Գաբրիելյանը, ով իր ելույթում շնորհակալություն հայտնեց ԱՄՆ Կառավարությանը`ի դեմս դեսպան տիկին Մարի Յովանովիչի, ԱՄՆ Գյուղդեպարտամենտի Հայաստանյան գրասենյակի տնօրեն պրն. Ֆրեդ Ջոնստոնին ` Ֆարմ Կրեդիտի հանդեպ ցուցաբերած  մշտական խորը ուշադրության և աջակցության համար,  ինչպես նաև ՀՄՀ-Հայաստան ծրագրի տնօրեն պրն. Արա Հովսեփյանին և մյուս ղեկավարներին,  ՀՄԿ Հայաստանի ներկայացուցիչ պրն. Ալեքս Ռասինին:
ԱՄՆ դեսպան տիկին Մարի Լ. Յովանովիչը կարևորեց ՖԿԱ-ի` որպես ՀՄՀ-Հայաստանի վարկային բաղադրիչի մասնակից կազմակերպության և Հայաստանում միակ ֆինանսական կոոպերատիվ կառույցի դերը` նշելով, որ ԱՄՆ գյուղդեպարտամենտի կողմից ստեղծված այս վարկատու կազմակերպությունը կարևոր դերակատարություն է ունի Հայաստանի գյուղատնտեսության ֆինանսավորման ոլորտում, ինչպես սեփական ռեսուրսներով, այնպես էլ ՀՄՀ-Հայաստանի միջոցներով`  ապահովելով գյուղատնտեսության ոլորտում ԱՄՆ կառավարության օժանդակության կայունությունը:
Իր ողջույնի խոսքում YTO GOURP-ի գլխավոր տնօրեն Հայհաո Սոնգը համառոտ ներկայացրեց YTO GROUP-ի գործունեությունը`նշելով, որ վերջինս շուկայի իր մասնաբաժնով և տրակտորների թվով հանդիսանում է Չինաստանում տրակտոր արտադրող առաջին ընկերությունը: Պրն. Սոնգը հույս հայտնեց, որ ՖԿ-ի հետ համագործակցությունը և բարեկամությունը երկարատև կլինեն:
     Ելույթին հաջորդեց Փոխըմբռնման Հուշագրի ստորագրումը, որն ամրապնդեց երկկողմ համագործակցությունը: Ներկաները նաև հնարավորություն ունեցան ականատես լինելու բաց դաշտում տրակտորների փորձարկման աշխատանքներին:
 Թե ֆերմերների և թե հյուրերի ցուցաբերած հետաքրքրությունն ու ոգևորությունը վերստին քաջալերեցին ՖԿ թիմին` հաստատուն քայլերով շարունակելու իր գործունեությունը` ի շահ Հայաստանի գյուղական բնակչության:

2010թ. փետրվարի 15-ին, Փոլ Ստրասբերգը`ԱՄՆ Գյուղդեպարտամենտի Արտաքին Ծառայությունների բաժնի Կովկասի Գյուղտնտեսության զարգացման կենտրոնի ծրագրային ղեկավարը, առաջին անգամ այցելեց Հայաստան և մեկօրյա այցելություն ունեցավ ՖԿ անդամ-փայատերերի տնտեսություններ Վայոց Ձորի և Արարատի մարզերում:

Առաջին այցն ուղղված էր դեպի Արարատի մարզ, գյուղ Ավշար` ՖԿ անդամ-փայատեր Հ. Հովհաննիսյանի տնտեսություն`լոլիկի, վարունգի ջերմոցով, ծիրանի ծառերով: Պրն Ստրասբերգը տեղում ծանոթացավ լոլիկի աճեցման, բերքահավաքի և գործընթացի բոլոր  նրբությունների հետ:

Երկրորդ այցն ուղղված էր դեպի Վայոց Ձորի մարզ, գյուղ Արենի` ՖԿ անդամ-փայատերեր Սիմոնյան եղբայրների տնտեսություն, որն իր մեջ ընդգրկում էր` չրերի արտադրություն, գինեգործություն, պտղատու ծառեր, արևային չորացման շինություն և այլն: Տեղում պրն Ստրասբերգը ականատես եղավ նաև լիզինգով տրամադրված առաջին տրակտորի աշխատանքին:

Վերջին այցի հանգրվանը եղավ Վայոց Ձորի մարզ, ք.Վայք, ՖԿ Խորհրդի նորընտիր անդամ Ա. Զաքարյանի հիմնած “Վայք Գրուպ” գինու արտադրամասը` իր մառաններով, պահեստով և այլն: Պրն Զաքարյանի տնտեսությունն իր մեջ ներառում է նաև խաղողի այգիներ և այլ պտղատու ծառեր:

Վայոց Ձոր և Արարատ մարզեր կատարած այցելությունները  բավական հետաքրքրական և տպավորիչ էին Փոլ Ստրասբերգի համար, որն իր պատկերացումը կազմեց ՖԿ վարկային և լիզինգային գործունեության վերաբերյալ, գործունեություն, որը նպատակ ունի նպաստելու  Հայաստանի գյուղական բնակավայրերի զարգացմանը: