Ֆարմ Կրեդիտ Արմենիա ՈՒՎԿ ԱԿ Գլխավոր Գործադիր Տնօրեն

Արմեն Գաբրիելյանի ուղերձը կայքի այցելուներին

Խոսքս ուղղում եմ հանրապետության տարբեր մարզերի  տնտեսվարող  ֆերմերներին, վերամշակող ձեռնարկությունների սեփականատերերին, հարակից այլ զբաղմունք ունեցող  գյուղաբնակներին:

Ֆարմ Կրեդիտ Արմենիա ունիվերսալ վարկային կազմակերպությունը հանրապետությունում գործող միակ կոոպերատիվ վարկային կազմակերպությունն է, որն իր բնույթով էապես տարբերվում  է այլ վարկային կազմակերպություններից: Այն ստեղծվել է ֆերմերների կողմից ` ֆերմերների համար, նրա հիմնադիրները առաջնորդվել են Համագործակցություն ի շահ բոլորի նշանաբանով:

Ֆարմ Կրեդիտը Ձեզ համար միայն վարկատու չէ: Անդամագրվելով մեր կառույցին` Դուք դառնում եք կառույցի սեփականատեր` ամրագրելով Ձեր փայամասնակցությունը մեր կապիտալում` ձեռք բերելով կանոնադրությամբ սահմանված բոլոր իրավունքներն ու պարտականությունները:
 
Ձեզանից յուրաքանչյուրը իր փայամասնակցությամբ նպաստում է իր իսկ տնտեսության զարգացմանն ու բարգավաճմանը:  Ֆարմ Կրեդիտը եզակի հնարավորություն է հայ ֆերմերների համար վերածվելու գյուղատնտեսության վարկավորման ազգային կառույցի:

Ֆերմերներից ընտրված դիտորդ խորհրդի հետ համատեղ մեր աշխատակազմը իր գործողություններում առաջնորդվում Է բացառապես Ձեր շահերի իրականացմամբ:

Ֆարմ Կրեդիտի դռները բաց են յուրաքանչյուր աշխատող, բարիք ստեղծող ֆերմերի առաջ:

Կանցնեն տարիներ և Ձեզանից շատերը հպարտությամբ կհիշեն, որ իրենք եղել են այս կառույցի հիմնադիրներ և մասնակիցներ:

Խորին հարգանքով`       

 Արմեն Գաբրիելյան                              

 ՖԿԱ ՈՒՎԿ ԱԿ Գլխավոր Գործադիր Տնօրեն/Նախագահ