ԱՄՆ Գյուղատնտեսության Դեպարտամենտի Գյուղատնտեսության Արտաքին Ծառայության առաքելությունն է բարելավել ԱՄՆ արտադրանքի մուտքը միջազգային շուկա, նոր շուկաների ստեղծումը, օտարերկրյա գյուղատնտեսությունների տեխնիկական աջակցությունը:
Գյուղատնտեսության Արտաքին Ծառայության հիմնական գործառույթը ԱՄՆ Գյուղատնտեսության Դեպարտամենտի արտաքին գործունեության ապահովումն է, շուկայի զարգացումը, կոմերցիոն համաձայնագրերի ու գործարքների կնքումը, միջազգային շուկայական տեղեկատվության հավաքումը և մշակումը:

Հայաստանում ԱՄՆ Գյուղատնտեսության Դեպարտամենտի Գյուղատնտեսության Արտաքին Ծառայության Հայաստանյան Գրասենյակի տնօրենն է Շոն Կարմոդին: Հայաստանում կառույցը նպատակ ունի աջակցել ֆերմերային և ագրոբիզնեսով զբաղվող տնտեսություններին ապահովել կայուն զարգացում, եկամուտների աճ և բարեկեցություն գյուղական համայնքներում: Կառույցը կենտրոնացած է մատակարարման շղթայի որակի ապահովման խնդիրների բացահայտմանն ու լուծմանը, շուկայի վրա հիմնված գյուղատնտեսական զարգացման քաղաքականության մշակմանը և մրցունակություն ու կայուն աճ ապահովելու համար ֆերմերային ու ագրոբիզնեսով զբաղվող տնտեսությունների տեխնիկական և ֆինանսական աջակցմանը:

ԱՄՆ Գյուղդեպարտամենտի Գյուղատնտեսության Արտաքին Ծառայության Զարգացման Գրասենյակի ներկայացուցիչ Ֆրեդերիկ Ջոնսթոնը մեծ ավանդ ունի Ֆարմ Կրեդիտ Արմենիայի կայացման ու զարգացման գործում:

“Ֆարմ Կրեդիտ Արմենիա” ՈՒՎԿ ԱԿ-ն պատասխանատվություն չի կրում  հետևյալ կայքի բովանդակության ստույգության և արժանահավատության, այստեղ տեղադրված գովազդների համար, տեղադրված տեղեկատվության օգտագործման հնարավոր հետևանքների համար`

ԱՄՆ Ֆարմ Կրեդիտ Համակարգը հատուկ ծառայություններ մատուցող կազմակերպությունների և կոոպերատիվ ֆինանսական հաստատությունների ցանց է: Համակարգը բաղկացած է հինգ Ֆարմ Կրեդիտ Բանկերից որոնք ֆինանսավորում են մոտ 100 տեղական Ֆարմ Կրեդիտ Ասոցիացիաների և բազմաթիվ կոոպերատիվների:

Կառավարության աջակցությամբ և Կոնգրեսի կողմից  1916թ-ին հիմնադրված այս համակարգը նպատակ ունի զարգացնել ամերիկյան գյուղատնտեսությանը` ֆերմերային տնտեսություններին տրամադրելով կայուն և ապահով վարկային միջոցներ ցածր տոկոսադրույքներով:

Ֆարմ Կրեդիտ Համակարգը վարկեր և այլ ֆինանսական ծառայություններ է մատուցում ֆերմերներին, գյուղացիական տնայնագործությամբ և ձկնաբուծությամբ, գյուղ մթերքի վերամշակմամբ և այլ գյուղատնտեսության հետ փոխկապակցված գործունեությամբ զբաղվող անհատներին ու իրավաբանական անձանց:

Ֆարմ Կրեդիտ Արմենիան լավ հարաբերություններ ունի Ֆարմ Կրեդիտ Համակարգի Միդատլանտիկ ու Վիրջինիա ասոցիացիաների և CoBank ու AgFirst բանկերի հետ:

“Ֆարմ Կրեդիտ Արմենիա” ՈՒՎԿ ԱԿ-ն պատասխանատվություն չի կրում հետևյալ կայքի բովանդակության ստույգության և արժանահավատության, այստեղ տեղադրված գովազդների համար, տեղադրված տեղեկատվության օգտագործման հնարավոր հետևանքների համար`

ԱՄՆ Ֆարմ Կրեդիտ Ադմինիստրացիան ստեղծվել է 1933թ ԱՄՆ նախագահ Ֆրանկլին Ռուզվելտի հրամանով: Կառույցի գրասենյակները տեղակայված են Մաքլինում (Վիրջինիա), Բլումինգտոնում (Մինեսոտա), Դալասում (Տեխաս), Դենվերում (Կոլորադո), Սակրամենտոյում (Կալիֆորնիա):

Ֆարմ Կրեդիտ Ադմինիստրացիան անկախ դաշնային գործակալություն է, որը կարգավորում և վերահսկում է Ֆարմ Կրեդիտ Համակարգի բանկերը, ասոցիացիաները և այլ կառույցները, այդ թվում ԱՄՆ Դաշնային Գյուղատնտեսական Հիփոթեքային Կորպորացիան:

Ֆարմ Կրեդիտ Ադմինիստրացիան գյուղատնտեսական վարկերի գծով ամենախոշոր վարկատուն է ԱՄՆ-ում:  Այն ԱՄՆ-ի տարածքով սփռված ֆինանսական ինստիտուտների ցանց է, որի սեփականատերերը իր իսկ փոխառուներն են:  Ֆարմ Կրեդիտ Ադմինիստրացիան ծառայում է ԱՄՆ-ի բոլոր 50 նահանգներին և Պուերտո Ռիկոյին:

2008թ. Ապրիլին Ֆարմ Կրեդիտ Արմենիան հյուրընկալեց ԱՄՆ-ից ժամանած մի խումբ այցելուների, որոնց թվում էր ԱՄՆ  Ֆարմ Կրեդիտ Համակարգի խորհրդի նախկին նախագահ և գլխավոր գործադիր տնօրեն Նենսի Փելեթը:

Այցելության ընթացքում եղան բամաթիվ հանդիպումներ Հայաստանում ԱՄՆ դեսպանատան, Ֆինանսաբանկային քոլեջ հիմնադրամի, ՀՀ Գյուղատնտեսության նախարարության և ՀՀ Կենտրոնական Բանկի ղեկավարների հետ: Տիկին Փելեթը դասախոսություններ կարդաց ՀՀ Կենտրոնական Բանկում և Ֆինանսաբանկային քոլեջ հիմնադրամում:

Ֆարմ Կրեդիտ Ադմինիստրացիայի ներկայիս նախագահ Լելանդ Սթրոմը հանդիպում ունեցավ Ֆարմ Կրեդիտ Արմենիայի գլխավոր գործադիր տնօրեն Արմեն Գաբրիելյանի ու խորհրդի անդամների հետ իր գրասենյակում` Վիրջինյա նահանգի Մաքլին քաղաքում 2008թ.-ին:

“Ֆարմ Կրեդիտ Արմենիա” ՈՒՎԿ ԱԿ-ն պատասխանատվություն չի կրում հետևյալ կայքի բովանդակության ստույգության և արժանահավատության, այստեղ տեղադրված գովազդների համար, տեղադրված տեղեկատվության օգտագործման հնարավոր հետևանքների համար`

  Հազարամյակի մարտահրավեր հիմնադրամ-Հայաստանը (ՀՄՀ-Հայաստան) պետական ոչ առեւտրային կազմակերպություն է, որը ստեղծվել է ՀՀ կառավարության կողմից եւ պատասխանատու է ԱՄՆ Հազարամյակի Մարտահրավեր Կորպորացիայի (ՀՄԿ) ու ՀՀ կառավարության միջեւ կնքված Համաձայնագրի թափանցիկ իրականացումը կառավարելու համար:
Ֆարմ Կրեդիտ Արմենիա ՈՒՎԿ ԱԿ-ն համագործակցում է ՀՄՀ-Հայաստանի հետ Ոռոգվող գյուղատնտեսություն ծրագրի Ջրից դեպի շուկա բաղադրիչի շրջանակներում, որի մասն է կազմում երկարաժամկետ վարկային միջոցների տրամադրումը բաղադրիչի առանձին շահառուներին: Ֆարմ Կրեդիտ Արմենիա ՈՒՎԿ ԱԿ-ն հաջողությամբ մասնակցել է վարկավորման ծրագրի առաջին փուլին, որի արդյունքում ՀՄՀ-Հայաստանի կողմից ստացել է պատվոգիր: Ներկայումս Ֆարմ Կրեդիտ Արմենիա ՈՒՎԿ ԱԿ-ն պատրաստվում է մասնակցել վարկավորման ծրագրի երկրորդ փուլին:

“Ֆարմ Կրեդիտ Արմենիա” ՈՒՎԿ ԱԿ-ն պատասխանատվություն չի կրում հետևյալ կայքի բովանդակության ստույգության և արժանահավատության, այստեղ տեղադրված գովազդների համար, տեղադրված տեղեկատվության օգտագործման հնարավոր հետևանքների համար`