"Ֆարմ Կրեդիտ Արմենիա"  ՈՒՎԿ ԱԿ-ն տրամադրում է ագրոբիզնեսի վարկեր ՀՀ մարզերում գյուղատնտեսական մթերքի վերամշակմամբ և իրացմամբ զբաղվող ֆիզիկական և իրավաբանական անձանց:

Վարկերի սահմանաչափերի, տոկոսադրույքների, ժամկետների, միջնորդավճարների և այլ հնարավոր վճարների վերաբերյալ կարող եք տեղեկանալ Սակագներ բաժնում:

Ագրոբիզնեսի վարկերի և դրանց նկատմամբ հաշվարկած տոկոսագումարների մարումները իրականացվում են ամենամսյա կտրվածքով հավասարաչափ մասերով: Եթե հաճախորդի դրամական հոսքերը թույլ չեն տալիս սահմանել հավասարաչափ մարումներ, ապա վարկային կոմիտեի որոշմամբ կարող է սահմանվել տվյալ վարկի մայր գումարի մարումների ազատ գրաֆիկ:

Առանձին դեպքերում վարկային կոմիտեի որոշմամբ վարկի գումարը կարող է գերազանցել վերոնշված չափերը:

Վարկերը տրամադրվում են անկախիկ եղանակով` հաճախորդի նշած բանկային հաշվին փոխանցելու միջոցով:

Հաճախորդը կարող է վարկը մարել պայմանագրով սահմանված ժամկետից շուտ: Վարկի տրամադրումից հետո երեք ամսվա ընթացքում վարկը ամբողջությամբ մարելու դեպքում` հաճախորդը վճարում է պայմանագրով նախատեսված առաջին երեք ամիսների ամբողջ տոկոսագումարը:

Վարկերի տոկոսադրույքի հաշվարկի ձևը

ՙ"Ֆարմ Կրեդիտ Արմենիա"  ՈՒՎԿ ԱԿ-ում վարկերի տոկոսները հաշվարկվում են վարկի փաստացի մնացորդի նկատմամբ` անվանական տոկոսադրույքով: Արտարժույթով տրամադրված վարկերի դեպքում` փոխարժեքի փոփոխությունները կարող են ազդեցություն ունենալ վարկի մարումների վրա: 

Այլ վճարներ

Կոոպերատիվի անդամները յուրաքանչյուր վարկ ստանալիս` կոոպերատիվի կանոնադրական կապիտալի համալրման նպատակով կատարում են վճարում վարկի գումարի 2 %-ի չափով: Այն գրանցվում է որպես իրենց փայամասնակցություն կոոպերատիվի կանոնադիր կապիտալում:

Կոոպերատիվին անդամագրվելիս դիմողները վճարում են  3,000  ՀՀ դրամ միանվագ գումար, որը նունպես գրանցվում է որպես իրենց փայամասնակցություն կոոպերատիվի կանոնադիր կապիտալում:

Տույժերի չափերը

Վարկի տոկոսների կամ մայր գումարի մարումները ուշացնելու դեպքում` հաճախորդը վճարում է ժամկետանց գումարի (վարկի ժամկետանց գումրի և վարկի ժամկետանց տոկոսագումարի) նկատմամբ հաշվարկված տույժ յուրաքանչյուր ուշացրած օրվա համար 0.2 % տոկոսադրույքով: Երեք ամսից շուտ վարկերի վաղաժամկետ մարման դեպքում վարկառուից գանձվում է երեք ամսվա տոկոսագումար:

ՈՒՇԱԴՐՈՒԹՅՈՒՆ`
ՁԵՐ ԳՈՒՅՔԸ (տունը, մեքենան կամ այլ) ԿԱՐՈՂ Է ԱՌԳՐԱՎՎԵԼ ԵԹԵ ԴՈՒՔ ԺԱՄԱՆԱԿԻՆ ՉԿԱՏԱՐԵՔ ՁԵՐ ՏՈԿՈՍԱԳՈՒՄԱՐՆԵՐԻ ԵՎ ՎԱՐԿԻ ԳՈՒՄԱՐԻ ՄԱՐՈՒՄՆԵՐԸ:

ՁԵՐ ԿՈՂՄԻՑ ՏՈԿՈՍԱԳՈՒՄԱՐՆԵՐԻ ԵՎ ՎԱՐԿԻ ԳՈՒՄԱՐԻ ՄԱՐՈՒՄՆԵՐԸ ԺԱՄԿԵՏԻՆ ՉՎՃԱՐԵԼՈՒ ԴԵՊՔՈՒՄ ՁԵՐ ՄԱՍԻՆ ՏԵՂԵԿԱՏՎՈՒԹՅՈՒՆԸ ԿԳՐԱՆՑՎԻ ՎԱՐԿԱՅԻՆ ՌԵԳԻՍՏՐՈՒՄ:

Վարկառուի կողմից պարտավորությունների չկատարման դեպքում, գրավի հաշվին պարտավորությունները մարելու համար (գրավի առարկայի իրացումից ստացված գումարի հաշվին) գրավը բավարար չլինելու դեպքում` պարտավորությունները կարող են մարվել վարկառուի այլ գույքի հաշվին:

Գրավի առարկա կարող են հանդիսանալ
- արտադրական տարածքներ, շենքեր, շինություններ, սեփական տներ, բնակարաններ և այլ գույք,
- հողատարածքներ, ձկնալճեր, այգիներ,
- տրանսպորտային միջոցներ`մարդատար և բեռնատար ավտոմեքենաներ,
- գյուղտեխնիկա` կոմբայններ, տրակտորներ, շարքացաններ գյուղգործիքներ և այլ գույք,
- շինարարկան տեխնիկա` կռունկներ, ավտոկռունկներ, բուլդոզերներ և այլ գույք,
- արտադրական հոսքագծեր և այլ սարքավորումներ,
- պատրաստի արտադրանք, ապրանքներ շրջանառության մեջ,
- խոշոր և մանր եղջրավոր անասուններ, խոզամայրեր:

Վարկ հարաբերած գրավի արժեք ցուցանիշը չի կարող լինել 80 %-ից ավելի:

Վարկ ստանալու համար կազմակերպություն են ներկայացվում հետևյալ փաստաթղթերը

Իրավաբանական անձանց կողմից `

- վարկի հայտ-դիմում
- պետ. ռեգիստրի գրանցման վկայական (պատճեն)
- հիմնադիր պայմանագիր (պատճեն)
- կանոնադրություն (պատճեն)
- ֆինանսական հաշվետվություններ
- հիմնադիրների որոշում կազմակերպության ունեցվածքը գրավ դնելու վերաբերյալ
- սեփականության վկայագրեր և սեփականության հիմքեր (պատճեն)
- տնօրենի նշանակման հրամանից քաղվածք կամ հրամանի պատճեն
- տնօրենի անձը հաստատող փաստաթղթի պատճեն
- սարքավորումների գրավադրման դեպքում` նրանց անձնագրերը
- ավտոմեքենայի գրավադրման դեպքում նրանց տեխ.անձնագրերը (պատճեն)

Ֆիզիկական անձանց կողմից `

- վարկի հայտ-դիմում
- անձը հաստատող փաստաթուղթ
- վարկի ապահովածություն հանդիսացող գրավի սեփականության իրավունքը հաստատող փաստաթղթեր
- սարքավորումների գրավադրման դեպքում` նրանց անձնագրերը
- ավտոմեքենայի գրավադրման դեպքում նրանց տեխ.անձնագրերը (պատճեն)
- եկամուտների մասին տեղեկատվություն (աշխատավարձ և այլն)

Վարկի հայտի հաստատումը

Վարկային հայտի վերաբերյալ որոշումը կայացվում է  առավելագույնը 20 օրվա ընթացքում: Հաճախորդը այդ մասին տեղեկացվում է նույն օրվա ընթացքում: Վարկը տրամադրվում է գրավը և/կամ երաշխավորությունները ձևակերպելուց (այդ թվում գրավի իրավունքը գրանցելուց) հետո երկու օրվա ընթացքում:

Կազմակերպության կողմից վարկային հայտը բավարարելու գործոնները
- փաստացի գործունեության առկայություն միայն ՀՀ մարզերում
- համապատասխանություն ծրագրային պահանջներին
- վարկունակության համապատասխանություն կազմակերպության սահմանած պահանջներին
- առնվազն վեց ամսվա հաջող աշխատանքային փորձ տվյալ բնագավառում
- գրավի առկայություն

Կազմակերպության կողմից վարկային հայտը մերժելու գործոնները

Այն դիմորդները, որոնք չեն համապատասխանում վարկերի հասանելիության համար վերը նշված պահանջներին, կամ կազմակերպությանը չի բավարարում դիմորդի վարկունակության մակարդակը չեն կարող վարկավորվել: Հաճախորդի ցանկությամբ կազմակերպությունը կարող է տրամադրել գրավոր մերժում: