Ֆինանսական վարձակալություն (լիզինգ)

Լիզինգի առարկա կարող են լինել առաջնային շուկայում վաճառվող հետևյալ հիմնական միջոցները`
- Գյուղատնտեսական տեխնիկա
- Արտադրական  հոսքագծեր և սարքավորումներ
- Շինարարական  տեխնիկա
- Ավտոտրանսպորտ
- Այլ հիմնական  միջոցներ
Լիզինգի կանխավճարը կախված դիմողի վարկունակությունից կարող է կազմել լիզինգի առարկայի արժեքի 0 - 50%-ը:

Լիզինգի սահմանաչափերի, տոկոսադրույքների, ժամկետների, միջնորդավճարների և այլ հնարավոր վճարների վերաբերյալ կարող եք տեղեկանալ Սակագներ բաժնում:

Վարձավճարների պարբերականությունը սահմանվում է ամսեկան:

Պայմանագրի ավարտից հետո վարձակալը կարող է սեփականության իրավունքով գնել լիզինգով իրեն տրամադրված հիմնական միջոցը` վճարելով լիզինգի պայմանագրային գումարի  1%-ը:
 
Լիզինգի պայմանագիրը ժամկետից շուտ մարելու լիզինգի առարկան գնելու ցանկության դեպքում հաճախորդը վճարում է այդ պահի դրությամբ չվճարված բոլոր վարձավճարները և լիզինգի պայմանագրային գումարի  1%-ը:

Լիզինգով տրամադրվող բոլոր հիմնական միջոցները պետք է ապահովագրվեն ՀՀ-ում լիցենզավորված ապահովագրական ընկերությունում, ընդ որում լիզինգառուն իր հաշվին ապահովագրում է լիզինգի առարկան ի շահ լիզինգատուի:

Այլ վճարներ

Կոոպերատիվի անդամները յուրաքանչյուր անգամ լիզինգային ծառայությունից օգտվելիս կոոպերատիվի կանոնադրական կապիտալի համալրման նպատակով կատարում են վճարում լիզինգի գումարի 2 %-ի չափով: Այն գրանցվում է որպես իրենց փայամասնակցություն կոոպերատիվի կանոնադիր կապիտալում:

Կոոպերատիվին անդամագրվելիս դիմողները վճարում են  3,000  ՀՀ դրամ գումար, որը գրանցվում է որպես իրենց փայամասնակցություն կոոպերատիվի կանոնադիր կապիտալում:

Տույժերի չափերը
Լիզինգի վարձավճարները ուշացնելու դեպքում հաճախորդը վճարում է ուշացած վարձավճարի նկատմամբ հաշվարկված տույժ յուրաքանչյուր ուշացրած օրվա համար 0.2 տոկոս տոկոսադրույքով:

ՈՒՇԱԴՐՈՒԹՅՈՒՆ`

ԼԻԶԻՆԳԻ ԱՌԱՐԿԱՆ ԿԱՐՈՂ Է ԴԱՏԱԿԱՆ ԿԱՐԳՈՎ ՀԵՏ ՊԱՀԱՆՋՎԵԼ ԵԹԵ ԴՈՒՔ ԺԱՄԱՆԱԿԻՆ ՉԿԱՏԱՐԵՔ ՁԵՐ ՏՈԿՈՍԱԳՈՒՄԱՐՆԵՐԻ ԵՎ ՎԱՐԿԻ ԳՈՒՄԱՐԻ ՄԱՐՈՒՄՆԵՐԸ:

ՁԵՐ ԿՈՂՄԻՑ ԼԻԶԻՆԳԻ ՎԱՐՁԱՎՃԱՐՆԵՐԸ ԺԱՄԿԵՏԻՆ ՉՎՃԱՐԵԼՈՒ ԴԵՊՔՈՒՄ ՁԵՐ ՄԱՍԻՆ ՏԵՂԵԿԱՏՎՈՒԹՅՈՒՆԸ ԿԳՐԱՆՑՎԻ ՎԱՐԿԱՅԻՆ ՌԵԳԻՍՏՐՈՒՄ:

Վարկային կոմիտեի որոշմամբ կարող են պահանջվել երրորդ անձանց երաշխավորություններ, գրավ:

Գրավի առարկա կարող են հանդիսանալ`
- տրանսպորտային միջոցներ`մարդատար և բեռնատար ավտոմեքենաներ,
- գյուղտեխնիկա`կոմբայններ, տրակտորներ, շարքացաններ գյուղգործիքներ և այլ գույք,
- շինարարկան տեխնիկա`կռունկներ, ավտոկռունկներ, բուլդոզերներ և այլ գույք,
- արտադրական հոսքագծեր և այլ սարքավորումներ,
- պատրաստի արտադրանք, ապրանքներ շրջանառության մեջ,
- խոշոր և մանր եղջրավոր անասուններ, խոզամայրեր:

Կազմակերպության լիզինգային ծառայությունից օգտվելու համար կազմակերպություն են ներկայացվում հետևյալ փաստաթղթերը
Իրավաբանական անձանց կողմից`
- լիզինգի հայտ-դիմում
- պետ.ռեգիստրի գրանցման վկայական (պատճեն)
- հիմնադիր պայմանագիր (պատճեն)
- կանոնադրություն (պատճեն)
- ֆինանսական հաշվետվություններ
- սեփականության վկայագրեր և սեփականության հիմքեր (պատճեն)
- տնօրենի նշանակման հրամանից քաղվածք կամ հրամանի պատճեն
- տնօրենի անձը հաստատող փաստաթղթի պատճեն

Ֆիզիկական անձանց կողմից`
- անձը հաստատող փաստաթուղթ
- լիզինգի հայտ-դիմում
- եկամուտների մասին տեղեկատվություն (աշխատավարձ և այլն)
Լիզինգի հայտի հաստատումը
Լիզինգի հայտի վերաբերյալ որոշումը կայացվում է  20 օրվա ընթացքում: Վարկային կոմիտեի դրական որոշման դեպքում հիմնական միջոցը լիզինգով տրամադրվում է Վարձակալին` իր կողմից կանխավճարը մուծելուց հետո, ոչ ուշ քան 90 օրվա ընթացքում:

Կազմակերպության կողմից լիզինգի հայտը բավարարելու գործոնները`
- փաստացի գործունեության առկայություն միայն ՀՀ մարզերում
- համապատասխանություն ծրագրային պահանջներին
- վարկունակության համապատասխանություն կազմակերպության սահմանած պահանջներին
- առնվազն վեց ամսվա հաջող աշխատանքային փորձ տվյալ բնագավառում
- գրավի առկայություն:

Կազմակերպության կողմից  լիզինգի հայտը մերժելու գործոնները
Այն դիմորդները, որոնք չեն համապատասխանում լիզինգի հասանելիության համար վերը նշված պահանջներին, կամ կազմակերպությանը չի բավարարում դիմորդի վարկունակության մակարդակը չեն կարող օգտվել լիզինգային ծառայությունից: Հաճախորդի ցանկությամբ կազմակերպությունը կարող է տրամադրել գրավոր մերժում: