2008 թվականի դեկտեմբերի 8-ից 12-ը “Ֆարմ Կրեդիտ Արմենիա” ՈւՎԿ ԱԿ-ն իր գրասենյակում հյուրընկալեց ԱՄՆ Գյուղդեպարտամենտի Արտաքին Գյուղատնտեսական ծառայությունների ներկայացուցիչներ Ֆրեդ Ջոնսթոնին և Չադ Քոնլինին: Նրանց այցի նպատակն էր ծանոթանալ կազմակերպությունում վերջին ամիսների ընթացքում կատարված աշխատանքներին:
Նրանք հանդիպումներ ունեցան “Ֆարմ Կերդիտ Արմենա”-ի ղեկավարության հետ, քննարկեցին մի շարք հարցեր, որոնք կապված էին Կազմակերպության հետագա ծրագրերի հետ: Նրանք նաև ներկա գտնվեցին “Ֆարմ Կերդիտ Արմենիա” Դիտորդ խորհրդի դեկտեմբերի 10-ին կայացած նիստին:
Այցելություներ կատարեցին Արարատի մարզի Սիսավան և Ավշար գյուղերում "Ֆարմ Կրեդիտ Արմենիա”-ի վարկառուների տնտեսություններ, զրուցեցին վարկառուների հետ: Հյուրերը գերազանց գնահատական տվեցին “Ֆարմ Կրեդիտ Արմենիա”-ի կողմից կատարված աշխատանքներին և հավաստիացրեցին, որ առաջիկա տարիների ընթացքում ԱՄՆ Գյուղդեպարտամենտը կշարունակի աջակցել “Ֆարմ Կրեդիտ Արմենիա”-ին իր նպատակների իրագործման համար:
Այցելության ընթացքում նաև տեղի ունեցավ հանդիպում ՀՀ Կենտրոնական բանկի ներկայացուցիչների հետ: Քննարկվեցին մի շարք կարևորագույն հարցեր թե “Ֆարմ Կրեդիտ Արմենիա”-ի հետագա աշխատանքների և թե Հայաստանում առկա ֆինանսական իրավիճակի վերաբերյալ:
Այցի ողջ ընթացքում հյուրերին ուղեկցում էր նաև Շոն Քարմոդին` ԱՄՆ Գյուղդեպարտամենտի համակարգողը Հայաստանում և Վրաստանում, որն իր աջակցությունն է ունեցել “Ֆարմ Կրեդիտ Արմենիա”-ին ստեղծման օրվանից:
