Նորություններ

   “Ֆարմ Կրեդիտ Արմենիա” ՈւՎԿ ԱԿ Փայատերերի Տարեկան Ընդհանուր Ժողովը տեղի ունեցավ 2009 թվականի հունվարի 23-ին: Ժողովին ներկա էին Կազմակերպության94 փայատեր անդամներից 65-ը, Հայաստանում ԱՄՆ Գյուղդեպարտամենտի համակարգող Շոն Քարմոդին և մի շարք հրավիրված հյուրեր:

                Ժողովի ընթացքում փայատեր անդամները տեղեկացան այն բոլոր իրադարձություններին, որոնք տեղի են ունեցել Կազմակերպությունում անցած 2008 թվականի ընթացքում:

Կազմակերպության Գլխավոր գործադիր տնօրեն Արմեն Գաբրիելյանը իր ելույթում նշեց, որ ներկայումս Կազմակերպության գերխնդիրը ֆինանսական ռեսուրսների ներգրավումն է, և այդ ուղղությամբ տարվում են մի շարք աշխատանքներ միջազգային կառույցների, տեղական և օտարերկրյա  ներդրողների հետ:

               Ա. Գաբրիելյանը 2008 թվականի գլխավոր ձեռք բերումը համարեց “Հազարամյակի մարտահրավերներ-Հայաստան” ծրագրի շրջանակներում ՙՖարմ Կրեդիտ Արմենիա՚ ՈՒՎԿ ԱԿ-ի մասնակցությունը, որի շրջանակներում ՖԿԱ-ին հատկացվել էր 300 հազ. ԱՄՆ դոլար վարկային միջոց:

                Ներկայումս Կազմակերպության վարկային պորտֆելը կազմում է շուրջ 600 հազ. ԱՄՆ դոլարին համարժեք գումար, տրամադրվել է ընդանուր առմամբ 54 վարկեր ՀՀ 6 մարզերում, որոնցից 45-ը` գյուղատնտեսական վարկեր են, 9-ը՝ ագրոբիզնեսի: Ա. Գաբրիելյանը նշել է, որ Կազմակերպությունը ապահովել է վարկերի 100-տոկոսանոց վերադարձելիություն` ՈՒՎԿ-ն չունի ոչ մի ժամկետանց վարկ:

                Ա. Գաբրիելյանը կարևորեց նաև ԱՄՆ Գյուղդեպարտամենտի աջակցությունը Կազմակերպության ստեղծման օրվանից մինչ այժմ:

Հայաստանում ԱՄՆ Գյուղդեպարտամենտի համակարգող Շոն Քարմոդին իր խոսքում  գոհունակություն հայտնեց Կազմակերպության առաջընթացի վերաբերյալ և հույս հայտնեց, որ հետագայում Կազմակերպությանը կհաջողվի հաղթահարել իր առջև դրված բոլոր մարտահրավերները:

2009թ. հունվարի 16-ին “ՀՄՀ-Հայաստան” ՊՈԱԿ-ի գլխավոր գործադիր տնօրեն Արա Հովսեփյանը պաշտոնապես շնորհակալական հավաստագրեր հանձնեց “Ջրից դեպի շուկա” ծրագրի վարկային բաղադրիչի առաջին փուլն հաջողությամբ իրականացրած չորս ֆինանսական կազմակերպությունների ներկայացուցիչներին, որոնց թվում էր “Ֆարմ Կրեդիտ Արմենիա” Ունիվերսալ Վարկային Կազմակերպություն Առևտրային Կոոպերատիվը:

Արարողությանը ներկա էին առաջին փուլն իրականացրած ֆինանսական կազմակերպությունների ներկայացուցիչները, ինչպես նաև վարկային ծրագրի վերահսկող Գյուղական ֆինանսավորման կառույցի (ԳՖԿ) տնօրեն Արա Մուրադյանը, ԷյՍիԴիԱյ/ՎՕԿԱ կազմակերպության տնօրեն Ռիչարդ Հարելբրինքը և շատ այլոք: